[توغرول آتابای “کمیلکچی سیاست…” کیتابینی ایشیق اوزو گؤرمهدن اؤنجه یوخلامیش بعضی نؤقصانلاری قلمه آلمیشدیر:]
یازینیزین دیلی و ایچرییی تعارفسوز دئییرم همیشهکی کیمی اؤرنک اولوشدوراجاق توردندیر. اومارام بول-بول یازار، آنالوژیک قایناق اولوشدورماغیمیزا یاردیمچی اولارسینیز. تکجه دیل حاققینداکی جیلیز گؤروشلریمی بئله سیرالایابیلهرم:
۱. گؤزدن قاچان املا یانلیشلاری:
دییشمین = دهییشیمین
“شعر بیزی هم دیلدیر”
سانیرام “دیریلدیر” اولمالی – ۲ یئرده
کئرچکلیک = گئرچکلیک
گلهلهنکسل = گلهنکسل (بوتؤو یازیلماسی دا داها اویغون)
سیئرک = سئیرک
قوللانمالیدیر (باید بکار بَرَد) = قوللانیلمالیدیر (باید بکار رود)
۲. سسلیک (فونئتیک) اولاراق:
قارشیت = منجه یاشید کیمی قارشید اولسا گرک.
آلقیلامالیییق = آلغیلامالیییق (ل-غ اؤتوملولشمهسی: نئجه کی اولغو ایشلهدیبسینیز اولقو ديییل)
آدمینستراسیا = آدمینیستراسییا = یؤنهدیم، یؤنهدیجیلیک
یؤنهتیب = یؤنهدیب ائله جه آنلاتیم = آنلادیم / آنلادیلیش
کیملیکچی و بنزر کلمهلرده سؤزدوزلدیجی أک بیرلشیک یازیلسیا داها اصابتلی اولاردی چونکو آرتیق یئنی گؤوده یارادیب: کیملیکچی
بئله سؤزونو اوبیری بئله ایله قاریشماسین دئیه بیله یازمانیزا قاتیلمیرام. باشقا فونئتیک ترجیحلرینیزه یوزده یوز قاتیلیرام (غ / چ یازیلیشلاری وس.).
۳. آنلامسال اولاراق ایسه:
ایلگی = ربط
ایلیشکی = رابطه (ایکیلی)
دولاییسییلا “قارشیلیقلی ایلیشکی” اولسا گرک
ائلهجه: … هانسی اییشکیسی واردیر.
وطنداش یئرینه “شهروند” دئیه داها اوسسال بیر قاورام اولان یوردداش یئرینده اولمازمی؟
دوزهنک = مکانیزم
توطئه تئوریسی = قورغو قورامی
آرین (خالص) ائیلم کؤکودور آد بیچیمینی گؤرمهمیشم. خالص = سوْم، چیلخا، سالت، تئی
ائرککشاه فارسجا قوخویور آنلامسال اولاراق دا شاهلیقلا باغلانتیسی یانیلدیجیدیر = ائرکأرکلی
گئریم = گئریلهمه؟
گئری صیفتی آدسویلودور، -م آلماز. گرمک ائیلمی ایله ده قاریشدیرمیش اولدوغونوزو سانمیرام.
مرکزچیل = مرکزجیل / اؤزَکچی (قارشیدی: اؤزأرکچی)
تامچی = بوتونلوکچو، بوتؤوجول
ویرتوال = سانال
آیین = ریتوآل = آییْن (قالین ای)، قوتسال تؤرن
اؤزهرک / اؤزأرک = خودمختار
سانکی خودبسنده اوچون “اؤزونهیئتر” یا دا “اؤزیئتر(لی)” اولمالی.
سوبستانسیا = جوهر اوچون تورکجه تؤز ده آرتیریلابیلر.
ساواشیم = مجادله بیراز کاریخدیریجی دئیه چابالاشما اؤنرردیم
ائورهنچیلیک = ائورن “کائنات” +
تطورگرایی = ائوولوسیونالیزم = ائوریمچیلیک
سس یاخینلیغی سیزی یانیلتمیش اولمالی
فونکسیا = ایشلهییش
اؤزول = تمل، بازا اوچون داها اویغون (ایشلندییی اوزره). تمل ده گویا رومجایمیش.
زیربنا = آلتیاپی
4. اؤزل آدلار:
توپال تئیمور آشاغیلاییجی بیر آدلاندیرمادیر. گئرچک آدی تیمور / تئیمور بگ (ان دوغروسو تیمور اینجه ای و او ایله = دمیر)
فونئتیک ایملا اساسسا:
لایبنتسز = لایبنیتسز
گرامشی = قرامشی
گاسپیرالی = قاسپیرالی
لوگوس = لوقوس ائلهجه قلوبال (بعضن گ ایله یازیلیب)
و هئگئل می؟
*
باشاریلارینیزین و باشارینیزین اورونلرینین آردینی دیلهییرم.
03/21/2016