آشاغیداکی متن یانلیش یازیلیب:
«سلام لار و سایقی لار دیرلی دیل داشلاریم عزیز یولداش و سیرداشیمیزین سایین یاشار* جنابلارینین آناسینین ۴۰اینجی حایاط دیشیم گونو
تانری دان دوستوموزا صبیر دیلیریک»
یوخاریداکی متنده چئشیدلی یانلیشلیقلارا یول وئریلیب:
– “سالام” سؤزونون منیمسهنیلمیش فورماسی یازیلماییب.
– “سایقی” سؤزونده ق حرفی غ یازیلمالی ایدی.
– جمع نیشانهسی اولان “لار” أکی اؤزوندن قاباقی سؤزه یاخین یازیلمالی ایدی.
– “دیل داشلاریم” بیر سؤز اولدوغونا گؤره یاخین یازیلمالی ایدی. “لار” أکی بیتیشیک دئییل، یاخین یازیلمالی ایدی.
– “سیرداشیمیزین” سؤزونده “ین” أکی آرتیقدیر.
– “۴۰اینجی” سؤزو سهو یازیلیب، “۴۰-جی” کیمی یازیلمالی ایدی.
– حایاط سؤزو یانلیشدیر، “یاشام” آنلامیندا گئدن بو سؤز “ط”له دئییل، “ت”له یازیلیر.
“دییشیم گونو” نه دئمکدیر؟
“دیلیریک” سؤزو یانلیشدیر.
متنده دورغو ایشارهلری [علائم سجاوندی] دوزگون قویولماییب.
متنین دوزگون واریانتی:
«سالاملار و سایغیلار دیرلی دیلداشلاریم!
عزیز یولداش و سیرداشیمیز سایین یاشار جنابلارینین آناسینین قیرخیدیر (ویا: حیاتا گؤزیومماسینین قیرخینجی گونودور).
تانریدان دوستوموزا صبیر* دیلهییریک.»
________
* سایغیسیزلیق اولماسین دئیه آدی دییشدیرمیشم.
* دوستلارین بیری «صبیر یئرینه دؤزوم یازا بیلهریکمی؟» – دئیه سوروشوب. بو داها دا یاخشیدیر. آمما متنی دییشدیرمک ایستهمیردیم.