آذربایجان رئسپوبلیکاسیندا بللی بیر سوال آردیجیل تکرارلانیر. چوخ واخت مندن سورولان بیرینجی سوال بودور: «سیز گونئیده نئچه میلیونسونوز؟» بیر جاواب بودور: «جانیم من ایستاتیستیکا [آمار] اوزمانی دئییلم، فلسفه اوخویورام.» قارشی طرف دئییر: «هئچ اولماسا بیر تخمین ایرهلی سوره بیلرسنیز کی!» دئیهنده «ایگیرمی میلیون»، قارشی طرف آجیقلانیر: «سیزده هئچ میللی روح یوخدور کی، اؤزونوزو آز گؤستریرسینیز.»
مسئلهنین او بیری طرفی ده وار. دئیهنده کی «بیز قیرخ میلیونوق»، یئنه آجیقلی تپکی گؤستریلیر: «آده سیز نه چلیمسیز آخماقلارسینیز کی، قیرخ میلیون اولا-اولا اؤلکهده آزلیق تشکیل ائدن فارسلارین عؤهدهسیندن گله بیلمیرسیز؟!»
سانکی بیزیم هم چوخلوغوموز باشا بلادیر، هم ده آزلیغیمیز!